सलमानले दिए मोदीलाई चुनौतीः यो कुरा ठिक होइन

सलमान खानको फिल्म ‘बजरंगी भाईजान’ ले अहिले सम्मका उनका सबै फिल्मको रेकर्ड तोडेको छ । ३ दिनमा १०० करोड क्लव पार गरेको यो चलचित्र हेर्नका लागि सलमान खानले भारतीय प्रधानमन्त्री नरेन्द्र मोदी र पाकिस्तानी प्रधानमन्त्री नवाज शरीफलाई ट्वीटबाट अनुरोध गरेका थिए ।तर अहिले सम्म ट्वीटको जवाफ आएको छैन । सलमान निराश भएका छैनन् उनले पुनः ट्वीट गर्दै दुवै देशका प्रधानमन्त्रीलाई यो फिल्म हेर्न आग्रह गरेका छन् ।

समीक्षकहरुलाई फिल्म मन परेकोमा खुसी भएका सलमानले आफू उत्साहित भएको पनि बताएका छन् । आफ्नो फिल्म संवेदनशील रहेको भन्दै उनले ८ वर्षमा पहिलो पटक इमोसनल फिल्म गरेको बताएका छन् ।सलमानले आफ्नो फिल्मलाई कर नलिने सरकारको निर्णयप्रति असहमति जनाउँदै राज्यले सबैसँग कर लिनु पर्ने बताए । उनले यो विषयमा मोदी सरकारलाई समेत चुनौती दिएका छन् ।सलमान र मोदीबीच राम्रो सम्बन्ध छ । सलमानले मोदीको स्वच्छ भारत अभियानको खुलेर समर्थन गरेका थिए ।